Шығармашылық бәйгеге қатысу мерзімі аяқтады

"Қазақ хандығының 550 жылдығына" байланысты "Қамшы.kz" порталы ұйымдастырып отырған шығармашылық бәйгеге шығармаларды қабылдау мерзімі аяқталды.

Бәйгеге тек осы уақытқа дейін келіп, сайтқа жарияланған шығармалар қатысады. Естеріңізге сала кетейік Елбасының  "Қазақ хандығының 550 жылдығын" мерекелеу жайлы пікірі жұртқа жария болысымен "Қамшы" ұжымы осы атаулы мерекеге қомақты жүлде қоры бар шығармашылық бәйге жариялаған болатын. Енді міне шығармашылық бәйге өз мәресіне жетіп, үздіктерді анықтау кезеңі ғана қалды.

Үздіктер 30-шы наурыз күні М.Әуезов атындағы академиялық драма театрында марапатталып, эстрада жұлдыздарының қатысуымен мерекелік кешке куә болады. Бұл туралы алдағы уақытта тағы да кеңірек жазатын боламыз.